Па традыцыі ў Дзень Дзяржаўнага сцяга і Дзяржаўнага герба РБ у гарадскім парку г. Століна ладзіцца заключны канцэрт конкурсу сучаснага эстраднага мастацтва "Зоркі Палесся". Сваёй творчасцю радавалі лепшыя выканаўцы з усяго раёна, якія папярэдне прайшлі адборачны тур. Сёлета юныя таленты падаравалі гледачам канцэртную праграму з 25 нумароў вакальнага, інструментальнага і харэаграфічнага жанраў. Удзельнікаў заключнага канцэрта ад імя арганізатараў - аддзела ідэалагічнай работы, культуры і па справах моладзі, аддзела адукацыі, спорту і турызму, райкама - віталі Васіль Андрэевіч Заруба і Аляксандр Мікалаевіч Вячорка. Яны падзякавалі юным артыстам за іх творчасць, пажадалі поспехаў і знагародзілі дыпломамі, граматамі і каштоўнымі падарункамі.

15 мая ў нашай краіне адзначаецца Дзень сям'і. Напярэдадні свята ў гарадскім парку г. Століна прайшло мерапрыемства, прысвечанае гэтаму дню. Сябе прадставілі чатыры сям'і Століншчыны: Мікалай і Алла Дзенісовічы, Сцяпан і Святлана Кудраўцы, Вадзім і Іна Супрунчыкі, Андрэй і Людміла Удоды. На працягу праграмы сем'і спаборнічалі між сабой і паказвалі свае спартыўныя і творчыя здольнасці. На завяршэнні старшыні прафкамаў арганізацый, у якіх працуюць канкурсанты, выказалі віншаванні і ўручылі памятныя падарункі ўдзельнікам.

У другой нядзелі мая ў гарадскім парку жыхары Століншчыны адзначылі Дзень Дзяржаўнага герба і Дзяржаўнага сцяга РБ. На плошчу з нацыянальнымі сімваламі, упрыгожаныя паветранымі шарамі і кветкамі, прыйшлі калоны працаўнікоў калектываў, навучэнцы ўстаноў адукацыі, прадстаўнікі грамадскіх арганізацый і жыхары раённага цэнтра. Да столінцаў на ўрачыстым мітынгу са сваімі выступленнямі звярнуліся дэпутат Палаты прадстаўнікоў Нацыянальнага сходу Рэспублікі Беларусь Аляксандр Мікалаевіч Ярашэвіч, пераможца другога, трэцяга і заключнага этапаў Рэспубліканскай алімпіяды па беларускай мове Дар'я Ракала, узняць Дзяржаўны сцяг Рэспублікі Беларусь былі ўдастоены навучэнцы адукацыйных устаноў раённага цэнтра. Як прызнанне ў любові да Радзімы - харэаграфічная кампазіцыя ў выкананні народнага ансамбля танца "Рэха" Столінскага ГДК. Затым вядучыя запрасілі ўсіх у гарадскі парк на сямейную -конкурсную праграму і заключны канцэрт раённага конкурсу сучаснага эстраднага мастацтва "Зоркі ... Читать дальше »

8 чэрвеня 2014 года ў Альшанах адбудзецца свята аграгарадка. Дзеянні будуць адбывацца на плошчы каля СЦКіД.

У 11 гадзін 50 хвілін усе збіраюцца ля царквы, дзе бацюшка благаслаўляе ўсіх  жыхароў вёскі і віншуе са святам.

Ад царквы святочным шэсцем ўсе накіроўваюцца да Цэнтра культуры, дзе а 12 гадзіне пачынаецца свята.

У праграме:

Так як правядзенне свята аграгарадка супадае з народным святам “Тройца”, яго пачатак адзначаецца тэтралізаваным траецкім пралогам.

- Абрад “Кумленне” (звычай пабрацімасці)

-Ваджэнне карагодаў

- Дарэнне прысутным і гасцям траецкіх вянкоў, кляновых і бярозавых галінак, як абярэг ад хвароб і злых духаў.

- Урачыстае адкрыццё свята

-Ускладанне кветак да помніка землякам, загінуўшым у гады ВАВ і да брацкай магілы савецкіх воінаў.

- Узнагароджванне лепшых працаўнікоў і жыхароў агр ... Читать дальше »