Пад такім дэвізам аўтаклуб з артыстамі, а таксама з інфармацыйнай групай, аб’язджаюць гаспадаркі Столінскага раёна, каб стварыць для ўдзельнікаў уборкі добры і працоўны настрой. 19 ліпеня прыехаў да хлебаробаў КУВП "Манькавічы” і СВК "Беражное”, народны фальклорны калектыў "Журавушка” Адвержыцкага сельскага дома фальклору,кіраўнік Любоў Яхнавец і прапанаваў гледачам канцэртную праграму з народных песен, прыпевак і гумарэсак. А таксама ў гэты дзень, добры настрой атрымалі і жыхары вёскі "Ямнае”, "Узляжжа” і  "Кашара”. Усе песні спяваліся разам з гледачамі вёсак. Для іх  гэта было сапраўднае свята.

          23 і 31 ліпеня дождж прыпыніў работу ў полі, толькі на збожжатаках працягвалася дапрацоўка збожжа. Песні і прыпеўкі ў выкананні народнага фальклорна-этнаграфічнага калектыву Рэчыцкага ГДК "Верасень”, кіраўнік Алена Дубойская, паправілі настрой ў такое змрочнае надвор’е, тым, хто працаваў на таках у СВК " Дубайскі”, "Відзіборскі”, "Рухчанскі”, "Рубельскі”, "Веляміцкі”, КСУП "Прыпяць-2009”, "Прыгарынскі”. Цёпла ўспрымалі выступленне ветэранаў калектыву Вольгі Сямёнаўны Некрашэвіч (арыгінальныя прыпеўкі), Галіны Мікітаўны Вярэніч, Вольгі Дзмітрыеўны Сакевіч, Ніны Васільеўны Тонзель, Зоі Мікалаеўны Пашкевіч, Алены Сцяпанаўны Стружко.