У ноч з 13 на 14 студзеня ў Давыд-Гарадку па традыцыі прайшло народнае тэатралізаванае свята "Конікі”. Ізноў па дамах мясцовых жыхароў прайшлі групы "Конікаў” з песнямі і танцамі, каб павіншаваць усіх са святам.

   Пачынаючы з 18.00 гадзін "конікі” хадзілі па дамах і віншавалі жыхароў горада.

   А 18.00 гадзіне пачаў працаваць "дзіцячы гарадок”. А ў 18.30 пачалі сваю працу гандлёвыя рады.

  У 21.00г. па цэнтральнай вуліцы горада прайшло масавае тэатралізаванае шэсце касцюміраваных груп. Свята адкрылася тэатралізаваным прадстаўленнем "На "Конікі” шчадруем”. Затым слова надалі старшыні гарвыканкама Галавачу В.М., які павіншаваў усіх жыхароў і гасцей горада са святам, і ўзнагародзіў пераможцаў "За лепшае навагодняе афармленне падворўя” і "Лепшыя гурты конікаў”.    Свята прадоўжылася святочнай канцэртнай праграмай, на якую былі запрошаны таксама і калектывы з другіх раёнаў вобласці. Для моладзі была наладжана дыскатэка.