Абласны фестываль-кірмаш «Дажынкі-2014»

Хлеб-соль ад гаспадароў свята прымае старшыня Столінскага райвыканкама Р. В. Пратасавіцкі

                Урачыстае мерапрыемства з нагоды ўшанавання лепшых працаўнікоў аграпрамысловага комплексу вобласці адкрыў старшыня Брэсцкага аблвыканкама Канстанцін Андрэевіч Сумар. У сваім вітальным слове ён адзначыў, што праца хлебаробаў цяжкая, але вельмі высакародная. 

Удзельнікі конкурсу «Уладар сяла - 2014» - сям”я Строк з аг. Струга

.

Калектыў Мачульскага сельскага дома фальклору

        — Зямелька-маці ідзе насустрач тым, хто не шкадуе ні поту, ні крыві, не лічыцца са сваім часам, — заўважыў Канстанцін Андрэевіч Сумар.
           Традыцыйна на кірмаш прыехалі і нашы прадстаўнікі творчых прафесій. У святочным гала-канцэрце ўдзел прымаў заслужаны аматарскі калектыў “Выцінанка”. На сцэне ў гандлёвым радзе ад Століншчыны нікога не пакінуў раўнадушным сваімі музычнымі нумарамі калектыў Мачульскага сельскага дома фальклору. 
Былі таксама і выставы майстроў дэкаратыўна-прыкладнога мастацтва з Давыд-Гарадка, Альшан, Дома дзіцячай творчасці з Фядор. Адну са сваіх драўляных скульптур старшыні аблвыканкама ўручыў наш знакаміты майстар І. П. Супрунчык. Свае вырабы паказаў і Цэнтр ганчарства з Гарадной на чале з дырэктарам А. Д. Леанавец.
           Адным з цікавых мерапрыемстваў было спаборніцтва “Уладар сяла – 2014”. У ім прыняла ўдзел сям’я Віктара і Вольгі Строк з сыночкам Мікітам і дачушкай Насцяй з аграгарадка Струга. Сярод чатырнаццаці каманд нашы занялі прызавое трэцяе месца і цяпер рыхтуюцца да вышэйшага этапу — рэспубліканскага, які пройдзе ў рамках фестывалю “Покліч Палесся” ў Ляскавічах.